सरकारलाई क्रान्तिशिखाले भनिन्- पुराना घटना भुल्ने होइन, राज्य नै पीडितको टेको बन्नुपर्छ

काठमाण्डु- सत्तारूढ राष्ट्रिय स्वतन्त्र पार्टीकी सचेतक क्रान्तिशिखा धितालले एउटा घटना सेलाउन नपाउँदै अर्को घटना चर्चामा आउँदा पुराना पीडितका न्यायका मुद्दा ओझेलमा पर्ने राज्यको प्रवृत्तिमाथि प्रश्न गरेकी छन्। प्रतिनिधि सभाको शुक्रबार बसेको बैठकमा बोल्दै धितालले नागरिकको पीडा पनि घटनाको चर्चासँगै आउने र हराउने अवस्थाले राज्यको जिम्मेवारीमाथि गम्भीर प्रश्न खडा गरेको बताइन्।