परराष्ट्रमन्त्री खनाल र पोर्चुगलका समकक्षी पाउलो राङ्गेलबीच भेटवार्ता

काठमाण्डु– परराष्ट्रमन्त्री शिशिर खनाल र पोर्चुगलका राज्य तथा परराष्ट्रमन्त्री पाउलो राङ्गेलबीच भेटवार्ता भएकाे छ । न्युयोर्कस्थित संयुक्त राष्ट्रसंघको मुख्यालयमा भएको भेटवार्तामा नेपाल र पोर्चुगलबीच बढ्दो सौहार्दपूर्ण तथा सहकार्यात्मक सम्बन्धप्रति दुवै पक्षले खुशी व्यक्त गरेका छन्। भेटमा आपसी हितका विभिन्न क्षेत्रमा द्विपक्षीय सहकार्यलाई थप विस्तार तथा सुदृढ बनाउने उपायबारे छलफल भएको जनाइएको छ।