किसानको गुनासोपछि ‘सुनकागती’ विवादमा विज्ञको स्थलगत निरीक्षण

धादिङ : धादिङको सिद्धलेक गाउँपालिकाले अनुदानमा वितरण गरेको ‘सुनकागती’का बिरुवामा अपेक्षित फल नलागेपछि बिरुवाको जातीय शुद्धतामाथि प्रश्न उठेको छ। किसानको गुनासोपछि राष्ट्रिय फलफूल विकास केन्द्र र नेपाल कृषि अनुसन्धान परिषद् (नार्क) का फलफूल विज्ञले स्थलगत निरीक्षण गर्दा वितरण गरिएका बिरुवामा सुनकागतीसँगै अन्य प्रजातिका कागतीका बिरुवासमेत मिसिएको पाइएको बताएका छन्।