एमाले, कांग्रेस र नेकपाका जनप्रतिनिधिको विवादले धरानको बजेट अझै आएन

सुनसरी : सुनसरीको धरान उपमहानगरपालिकामा एमाले, कांग्रेस र नेकपाबाट निर्वाचित जनप्रतिनिधिबीचको विवाद चर्किदा चालु आर्थिक वर्ष २०८३/८४ को बजेट अझै आउन सकेको छैन । कानुनअनुसार असार १० गतेभित्र चालु आर्थिक वर्षको बजेट नगरसभामा पेस गरी असार मसान्तसम्म पास गरी बजेट कार्यान्वयन गर्नुपर्ने भए पनि डेढ महिना बितिसक्दा समेत धरान उपमहानगरपालिकाले बजेट ल्याउन सकेको छैन ।