कांग्रेस नीति प्रतिष्ठानमा ६ उपसमिति संयोजक चयन

काठमाण्डु – नेपाली कांग्रेस केन्द्रीय नीति, अनुसन्धान तथा प्रशिक्षण प्रतिष्ठानले प्रतिष्ठानको कामलाई थप प्रभावकारी बनाउने उद्देश्यसहित विभिन्न ६ वटा उपसमितिका संयोजक चयन गरेको छ । पार्टीका उपसभापति तथा प्रतिष्ठानका प्रमुख विश्वप्रकाश शर्माको अध्यक्षतामा असार २५ र २६ गते बसेको प्रतिष्ठानको पाँचौँ बैठकले प्रमुखको प्रस्तावमा उपसमिति संयोजकहरूको जिम्मेवारी तोक्दै विभिन्न निर्णय गरेको हो ।