एमाले उपाध्यक्ष पौडेललाई ७ दिन थुनामा राखेर अनुसन्धान गर्न अदालतको अनुमति

काठमाण्डु – विशेष अदालतले नेकपा एमालेका उपाध्यक्ष तथा पूर्व अर्थमन्त्री विष्णु पौडेललाई थुनामा राखेर अनुसन्धान गर्न अनुमति दिएको छ । सम्पत्ति शुद्धीकरण अनुसन्धान विभागले थुनामा राखेर अनुसन्धान गर्न अनुमति मागेपछि विशेष अदालतले ७ दिन थुनामा राखेर अनुसन्धान गर्न अनुमति दिएको हो । विभागले उपाध्यक्ष पौडेललाई सोमबार सुर्खेतबाट पक्राउ गरेर मंगलबार काठमाण्डु पुर्‍याएको थियो ।