भलिबल खेलाडीको रोजाइ रोनाल्डो कि मेसी ?

काठमाडौं : फुटबलको महाकुम्भले सबैको ध्यान केन्द्रित गरिरहेका बेला खेलकर्मीहरूको व्यस्तता अहिले विश्वव्यापी रुपमै अस्तव्यस्त बनेको छ। फुटबल यस्तो खेल हो, जसप्रति चासो र आकर्षण यही खेलमा लाग्नेहरूमा मात्र सीमित हुँदैन। अन्य खेलमा जीवन समर्पित गर्नेहरूलाई पनि आफूतिर तान्ने क्षमता फुटबलसँग छ। विश्वकप त चार वर्षमा एकपटक मात्र आउने विश्व फुटबलको सबैभन्दा ठूलो मेला भएकाले स्वभाविक रुपमा अन्य खेलमा समर्पित खेलकर्मी पनि अबको ६ हप्ता फुटबलमा केन्द्रित हुन्छन्।