आप्रवासी कामदार : वाचा कि सुरक्षा

आप्रवासी कामदार नेपालको राजनीति र सार्वजनिक बहसमा बारम्बार उठ्ने विषय हो। राजनीतिक दलहरूले रोजगारी, सुशासन, सामाजिक सुरक्षा र आर्थिक सुधारका वाचा सधैं गर्दै आएका छन्। वर्तमान सरकारले पनि सुरक्षित वैदेशिक रोजगारी, सीप विकास, कामदारले तिर्नुपर्ने भर्ना तथा सेवा शुल्क न्यूनीकरण, रेमिट्यान्स लगानी, उद्धार, मृत कामदारको शव फिर्ता ल्याउने तथा फर्किएका कामदारलाई सहयोग गर्ने जस्ता विभिन्न कार्यक्रम घोषणा गरेको छ। जुन विषय नयाँ होइनन्, वर्षौंदेखि दोहोरिँदै आएका मुद्दा हुन्।