३० हजार मेट्रिक टन युरिया र २० हजार मेट्रिक टन डीएपी मल खरिद गर्न भारतको स्वीकृति

काठमाडौं : भारत सरकारले नेपाललाई ३० हजार मेट्रिक टन युरिया र २० हजार मेट्रिक टन डीएपी रासायनिक मल खरिदका लागि स्वीकृति दिएको छ। स्वीकृतिसँगै दुवै देशका सरकारी निकायले जीटुजी सम्झौताअनुसार मल आपूर्तिको प्रक्रिया अघि बढाएका छन्।धान रोपाइँको मुख्य सिजनमा रासायनिक मलको अभाव हुने जोखिम बढेपछि नेपाल सरकारले भारतसँग मल उपलब्ध गराइदिन आग्रह गरेको थियो। त्यसअनुसार भारत सरकारले आफ्नो 'Neighbourhood First' नीतिअन्तर्गत नेपाललाई आवश्यक मल उपलब्ध गराउने निर्णय गरेको हो।