विद्युतमा लगाइएको भ्याट फिर्ता गर्ने पहल स्वागतयोग्य : राजेन्द्र मल्ल

काठमाडौं । विद्युतमा लगाइएको मूल्य अभिवृद्धि कर (भ्याट) फिर्ता गर्ने सरकारको पहल स्वागतयोग्य रहेको नेपाल चेम्बर अफ कमर्सका निवर्तमान अध्यक्ष राजेन्द्र मल्लले बताएका छन्। नागरिक न्यूजमा प्रकाशित समाचारलाई उद्धृत गर्दै मल्लले विद्युतमा लगाइएको भ्याट फिर्ता गर्ने विषयमा सरकारले अघि बढाएको पहल सकारात्मक रहेको बताएका हुन्। उनले ऊर्जा मन्त्री विराजभक्त श्रेष्ठले यस विषयमा आफ्नो अडान कायम राख्दै निरन्तर पहल गरेकोमा धन्यवाद तथा बधाईसमेत दिएका छन्। मल्लले विद्युतमा लगाइएको भ्याट फिर्ता गर्ने निर्णय कार्यान्वयनमा आएमा आम उपभोक्ता, उद्योग तथा व्यवसायको विद्युत् लागत घटाउन सहयोग पुग्ने बताएका छन्।