रामबाग पार्टी प्यालेसमा एमाले केन्द्रीय समिति बैठक सुरु

काठमाडौं । एमाले केन्द्रीय समिति बैठक सुरु भएको छ । १२ बजेदेखि ललितपुरको भनिमण्डलस्थित रामवाग पार्टी प्यालेसमा केन्द्रीय कमिटी बैठक सुरु भएको हो । केन्द्रीय कमिटी बैठक गत फागुनको निर्वाचनपछि पहिलोपटक बसेको हो । एमालेले पार्टी पुनर्गठन तथा निर्वाचन समीक्षासम्बन्धी कार्यदलको प्रतिवेदन केन्द्रीय कमिटीमा पेस गर्ने भएको छ। सोमबार च्यासलमा बसेको सचिवालय बैठकले प्रतिवेदनलाई औपचारिकता दिँदै केन्द्रीय कमिटीमा लैजाने निर्णय गरेको उपमहासचिव लेखराज भट्टले जानकारी दिए। बैठकले केन्द्रीय कमिटी बैठकका एजेण्डासमेत तय गरेको छ। जसमा अध्यक्षको मन्तव्य, राष्ट्रिय गान, नयाँ सदस्यको मनोनयन र अध्यक्षको राजनीतिक प्रतिवेदनलगायत विषय छन्।