रास्वपा सांसदको प्रश्न : मध्यरातमा खाली ग्यास सिलिन्डर बोकेर लाइन बस्नुपर्ने बाध्यताको अन्त्य कहिले हुन्छ ?

काठमाडौं : राष्ट्रिय स्वतन्त्र पार्टी (रास्वपा)की सांसद लिमा अधिकारीले नागरिकको भान्सा सहज बनाउन सरकारसँग माग गरेकी छन्। सोमबार प्रतिनिधिसभा बैठकको शून्य समयमा सांसद अधिकारीले ग्यासको अभावका कारण नागरिकले सास्ती भोग्नुपरेको भन्दै छिटोभन्दा छिटो नागरिकको भान्सा सहज बनाउन सरकारसँग माग गरेकी हुन्।  उनले सर्वसाधारण नागरिकहरू छाक टार्नका लागि मध्यरातिसम्म खाली ग्यास सिलिन्डर बोकेर लाइनमा बस्न बाध्य भएको स्थितिप्रति सरकारको ध्यानाकर्षण गराइन्।