जापानमा ८३ वर्ष पुरानो मानव अवशेष फेला, दोस्रो विश्वयुद्धमा मारिएका कोरियाली मजदुरको हुनसक्ने आशंका

काठमाडौं : जापानको पश्चिमी यामागुची प्रान्तस्थित युद्धकालीन चोसेई खानीको स्थलमा फेला परेका हड्डीहरू मानव अवशेष भएको पुष्टि भएको छ। स्थानीय प्रहरीले बुधबार जानकारी दिँदै फेला परेका तीनवटा हड्डी र एउटा खोपडी मानव अवशेष नै भएको बताएको हो।जापानी नागरिक समूह ‘किजामु काई’का अनुसार ती अवशेष सन् १९४२ मा खानीमा भएको एउटा दुर्घटनामा मृत्यु भएका करिब १८० जना जबर्जस्ती श्रममा लगाइएका कोरियाली मजदुरका हुन सक्ने अनुमान गरिएको छ।