सरकारले संविधान संशोधनका विषय स्पष्ट नपारेको भन्दै कार्यदलबाट बाहिरिए नेकपासहित ४ दल (पत्रसहित)

काठमाडौं :  सरकारले संविधान संशोधनका लागि कुन–कुन विषयमा किन संशोधन गर्न खोजिएको हो भन्ने स्पष्ट नपारेको भन्दै ४ दलले कार्यदलमा सहभागी नहुने घोषणा गरेका छन्। सोमबार नेपाली कम्युनिस्ट पार्टी, लोकतान्त्रिक समाजवादी पार्टी लोसपा, राष्ट्रिय जनमोर्चा र जनता समाजवादी पार्टीका प्रतिनिधिहरूले कार्यदलका संयोजकलाई संयुक्त रूपमा पत्र बुझाउँदै संविधानले संशोधनको परिकल्पना नगरेको प्रस्तावनामा सरकार र कार्यदल लागि परेको भन्दै आपत्ति प्रकट गरेका छन्।