गणेश थुम्कीतर्फ बन्दै मिनी ग्रेटवाल

दोलखाको प्रसिद्ध धार्मिक तथा पर्यटकीय गन्तव्य कालिञ्चोक पुग्ने भक्तजन र पर्यटकका लागि गणेश थुम्कीसम्मको यात्रा अब थप सहज र आकर्षक बन्दै गएको छ। कालिञ्चोक मन्दिर दर्शनका लागि पुग्ने अधिकांश भक्तजनले मन्दिरसँगै गणेश थुम्की पुगेर मनोरम प्राकृतिक दृश्यको अवलोकन गर्ने गरेपछि त्यहाँसम्म पुग्ने पदमार्गलाई व्यवस्थित बनाउन मिनी ग्रेटवाल निर्माण गरिएको हो। निर्माण सम्पन्न भइसकेको खण्डले पदयात्रालाई सुरक्षित र सहज बनाएको छ भने आगामी चरणमा थप निर्माण भएपछि ग्रेटवाल कालिञ्चोक मन्दिरसम्मै जोडिने भएको छ।