कामना सेवा विकास बैंक र लेमन ट्री प्रीमीएरबीच सम्झौता

४ भदौ, काठमाडौं । कामना सेवा विकास बैंकले काठमाडौं, बुढानिलकण्ठस्थित लेमन ट्री प्रीमीएरसँग सेवा शुल्क छुट सम्बन्धी सम्झौता गरेको छ। सम्झौताअनुसार, बैंकका कर्मचारी र ग्राहकहरूले होटलको अकोमोडेसन, फुड र बेभरेजमा १५ प्रतिशत तथा स्पा सेवामा २० प्रतिशत छुट पाउनेछन्। ग्राहकहरूले बैंकसँगको आबद्धताको प्रमाण प्रस्तुत गरेपछि यो सुविधा सहजै प्राप्त गर्न सक्ने व्यवस्था गरिएको बैंकले जनाएको छ।