सर्वोच्चले गर्यो निगमको बोर्ड सदस्य नियुक्ति बदर

काठमाडौं : सर्वोच्च अदालतले नेपाल वायुसेवा निगमको बोर्ड सदस्य नियुक्ति बदर गरेको छ। न्यायाधीशद्वय टेकप्रसाद ढुंगाना र शान्तिसिंह थापाको संयुक्त इजलासले जेठ २९ गते संक्षिप्त आदेश जारी गर्दै निगमको सञ्चालक सदस्य नियुक्ति प्रक्रियामा ‘मनपरी’ गरिएको भन्दै यही वैशाख ३१ गते गरिएको नियुक्ति निर्णयलाई बदर गरिदिएको हो। अदालतले सुशासनको मूल्य र मान्यताविपरीत भएको ठहर गर्दै योग्यताक्रमका आधारमा पुनः निर्णय गर्न सरकारका नाममा परमादेशसमेत जारी गरेको छ।