अर्थतन्त्र सुस्त रहेका बेला थपिएका नयाँ करले बजार मागमा गम्भीर असर पार्न सक्छ: परिसंघ अध्यक्ष पाण्डे

२५ जेठ, काठमाडौं। नेपाल उद्योग परिसंघ (सीएनआई) का अध्यक्ष वीरेन्द्रराज पाण्डेले बैंकहरूमा पर्याप्त लगानीयोग्य रकम (तरलता) उपलब्ध भए पनि बजारमा समग्र माग नबढ्दा उद्योगी–व्यवसायीहरूले नयाँ कर्जा लिन वा लगानी विस्तार गर्न नसकेको बताएका छन्। परिसंघको २३औं वार्षिक साधारण सभाको समुद्घाटन समारोहमा स्वागत मन्तव्य व्यक्त गर्दै अध्यक्ष पाण्डेले सो कुरा बताएका हुन्।