चीनभरि असन्तोष चर्किँदै, सुरक्षामा कडाइ

चीनका विभिन्न क्षेत्रमा पछिल्ला दिनमा प्रदर्शन र प्रहरीसँग झडपका घटनाहरू बढ्दै गएका छन्। वातावरणीय चिन्ता, जग्गा विवाद र स्थानीय शासनप्रति असन्तुष्टिले जनस्तरमा आक्रोश बढिरहेको देखिएको छ। यससँगै सरकारले राजधानी बेइजिङसहित संवेदनशील क्षेत्रमा सुरक्षा कडाइ तीव्र बनाएको छ। हुबेइ प्रान्तको वुहान सहरमा ब्याट्री उत्पादन परियोजनाको विरोधमा स्थानीय बासिन्दाहरूले निरन्तर प्रदर्शन गर्दै आएका छन्।