वाग्ले र बाबुरामलाई लक्षित गर्दै झाँक्रीको कटाक्ष, ‘नेपाली स्वाभिमान कमजोर पार्ने प्रवृत्ति स्वीकारिरहने?’

काठमाण्डु- नेकपा (एमाले) की नेतृ रामकुमारी झाँक्रीले अर्थमन्त्री डा. स्वर्णिम वाग्ले र पूर्वप्रधानमन्त्री डा. बाबुराम भट्टराईलाई लक्षित गर्दै राष्ट्रिय स्वाभिमान र आत्मसम्मानबारे प्रश्न उठाएकी छन्। भारत भ्रमणका क्रममा अर्थमन्त्री वाग्लेले दिएको ‘नेपालमा भारतविरोधी राष्ट्रवादको युग सकियो’ भन्ने अभिव्यक्तिप्रति राजनीतिक वृत्तमा आलोचना भइरहेका बेला झाँक्रीले सामाजिक सञ्जालमार्फत कटाक्ष गरेकी हुन्।