भारतमा वाग्लेको अभिव्यक्तिले राजनीति तरंगित

काठमाडौं : अर्थमन्त्री एवं राष्ट्रिय स्वतन्त्र पार्टी (रास्वपा) का उपसभापति डा. स्वर्णिम वाग्लेले भारतविरोधी भावनासँग जोडिएको राष्ट्रवादको युग सकिएको भन्दै दिल्लीमा दिएको अभिव्यक्ति विवादमा परेको छ। पूर्वपरराष्ट्रमन्त्री कमल थापा र एमाले नेता गोकुल बाँस्कोटाले वाग्लेको अभिव्यक्तिको आलोचना गरेका छन् भने राजनीतिक विश्लेषकहरूले पनि प्रश्न उठाएका छन्। भारतसँगको सम्बन्ध सुदृढ बनाउने सरकारी नीतिको बचाउमा आएको वाग्लेको अभिव्यक्तिले राष्ट्रियता र राष्ट्रिय हितको बहस चर्काएको छ।