युक्रेनमा आक्रमण गर्न उत्तर कोरियाली क्षेप्यास्त्र प्रयोग गर्दै रुस

काठमाडौं : राष्ट्रपति भोलोदिमिर जेलेन्स्कीले रुसले युक्रेनमा उत्तर कोरियाली क्षेप्यास्त्र प्रयोग गरिरहेको आरोप लगाएका छन्।उनका अनुसार जापोरिजियामा भएको रुसी आक्रमणमा उत्तर कोरियासँगको गठबन्धनमा रहेको रुसले उपलब्ध गराएको ब्यालेस्टिक क्षेप्यास्त्र प्रयोग गरिएको थियो। उक्त आक्रमणमा कम्तीमा ६ जनाको मृत्यु भएको र १९ जना घाइते भएका छन्।जापोरिजियाका क्षेत्रीय गभर्नर इभान फेदोरोभले आक्रमणपछि सवारीसाधन र भवनहरूमा आगो लागेको तस्बिर सार्वजनिक गरेका छन्।