हर्क साम्पाङको प्रश्न- ‘मेरो बाटो नहिँड भन्ने व्यवहार भइरहेको छ, यो कानूनी राज्य हो कि जंगली ?’

काठमाडौँ । श्रम संस्कृति पार्टीका अध्यक्ष हर्कराज राईले जनकपुर भ्रमणका क्रममा आफूलाई एउटा समूहले प्रवेश निषेध गर्न खोजेको घटनाप्रति आपत्ति जनाउँदै कानूनी राज्यमा सबै नागरिकलाई देशको जुनसुकै क्षेत्रमा निर्बाध रूपमा आवतजावत गर्न पाउने अधिकार भएको बताएका छन् । मंगलवार प्रतिनिधि सभाको बैठकमा बोल्दै उनले यस्तो बताएका हुन् ।