कोशीका कृषिमन्त्रीले खोसे सचिव चढ्ने गाडी

विराटनगर : कोशी प्रदेशका उद्योग, कृषि तथा सहकारीमन्त्री खगेनसिं हाङगामले सचिव चढ्ने गाडीको चाबी खोसेका छन्। विगतदेखि नै विवादास्पद भूमिकामा देखिँदै आएका मन्त्री हाङगाम यो प्रकरणपछि पुनः एकपटक विवादमा तानिएका छन्। नेपाली कांग्रेसबाट प्रदेशको मन्त्री बनेका उनले सोमबार मन्त्रालयका सचिव डा. शरणकुमार पाण्डे चढ्ने सरकारी गाडीको चाबी खोसेका हुन्। मन्त्रालय स्रोतका अनुसार मन्त्री हाङगाम र सचिव पाण्डेबीच लामो समयदेखि विवाद एवं असमझदारी थियो।