गोठालो गएका २ महिला पहिरोमा पुरिए

रोल्पा : रोल्पाको सुनछहरी गाउँपालिका-१ सेरमस्थित दवाङ लेकमा शुक्रबार दिउँसो पहिरो जाँदा २ महिला पुरिएका छन्। केही पशुचौपाया पनि पुरिएको आशंका गरिएको छ। जिल्ला प्रहरी कार्यालयका अनुसार दिउँसो करिब १:१० बजे गाईबाख्रा चराइरहेका बेला माथिबाट एक्कासि पहिरो खसेको थियो। पहिरोमा गोठालासहित पशुचौपाया पुरिएका हुन्। गाउँलेका अनुसार गोठाला गएका दुई महिलाको ज्यान गएको छ। स्थानीयले मृतकको परिचय खुलाए पनि प्रहरीले भने सनाखत भइनसकेको जनाएको छ।