फाइनल प्रवेशका लागि  इंग्ल्यान्ड –अर्जेन्टिनाको ऐतिहासिक भिडन्त आज

काठमाडौँ। फिफा विश्वकप २०२६ को दोस्रो सेमिफाइनलमा आज राति फुटबलका दुई पुराना प्रतिद्वन्द्वी  इंग्ल्यान्ड र अर्जेन्टिना आमनेसामने हुँदै छन्। नेपाली समयअनुसार बिहीबार बिहान १२:४५ बजे अमेरिकाको एटलान्टास्थित मर्सिडिज–बेन्ज स्टेडियममा हुने यो खेललाई विश्वकपकै सबैभन्दा प्रतीक्षित भिडन्तमध्ये एक मानिएको छ। विजेता टोलीले उपाधिका लागि स्पेनसँग फाइनल खेल्नेछ।