दोस्रो विश्वयुद्धपछिको हिमाल आरोहणको वैभव

त्यो समय थियो, सन् १९५० को दशक। जुन बेला नेपाल प्रकारान्तरले उचाइमा उडेको साहस र नाटकीयताको विश्व रंगमञ्चमा परिणत हुँदै थियो। सन् १९५० को दशक नेपालको पर्यटन इतिहासमा आरोहण अभियानहरूको दशक थियो। त्यो समय ब्रिटिस र फ्रेन्चबीच ‘८ हजार मिटर’का हिमालहरूमा एक प्रकारको प्रतिस्पर्धा चलिरहेको थियो। फ्रेन्चहरूले अन्नपूर्ण जिते भने ब्रिटिसहरूले सगरमाथामा आफ्नो झन्डा गाडे। दोस्रो विश्वयुद्धपछिको थकित संसारले नयाँ गौरव खोजिरहेको थियो र त्यो गौरव उनीहरूले हिमालमा पाए, नेपालका हिमालमा।