हतपतको असारे विकास, लतपतको नतिजा खोजी

बुटवल : सार्वजनिक बिदामा सरकारी कर्मचारीले घरमै आराम गर्नुपर्ने हो। तर, घर परिवारसँग फुसर्दमा रमाउने समय उनीहरूसँग छैन। किनभने कर्मचारीलाई असार लागेको छ। बजेट सक्ने ‘हतारको असारे विकास’ र भुक्तानीको चटारोले कर्मचारी व्यस्त छन्। सेवाग्राहीहरूको बढी चाप हुने गाउँगाउँका पालिकाहरूमा योजनाको भुक्तानी गर्न भ्याइनभ्याई छ। प्रमुख प्रशासकीय अधिकृत र लेखा अधिकृतहरूको कार्यकक्ष भुक्तानीका फाइलहरूले भरिएका छन्।