प्राग सहरमा पुस्तकको धरहरा

भल्ताभा नदी शान्तसँग बगिरहेको छ। पर्यटकका हल्ला बोकेर ससाना पानीजहाज र डुंगाहरू दौडिरहेका छन्। म रोकिएको छु– भल्ताभा नदीमाथि बनेको ऐतिहासिक चार्ल्स ब्रिजमा। रोकिएका छैनन्, पर निकै पर नदी किनारैकिनार दौडिएका मेरा आँखा। घरी माथि निकै माथि नीलो आकाशमा बादलका ससाना टुक्राहरूसँगै दौडिन्छन् आँखा। घरी बुर्कुसी मार्दै दौडिन्छन्– वरपरका प्राचीन र कलात्मक भवनहरूमा। ७ सेप्टेम्बर, २०२५ को सुन्दर बिहान। यतिबेला किताबदेखि किताबसम्मको यात्रामा छु।