बिक्रेतालाई उपभोक्ता संरक्षण विभागको आग्रह : इन्धनको मूल्य घट्यो, मूल्य समायोजन गर्नू

काठमाडौं : वाणिज्य, आपूर्ति तथा उपभोक्ता संरक्षण विभागले इन्धनको मूल्य घटेसँगै बजारमा उपभोग्य वस्तु तथा सेवाको मूल्यसमेत घटाउन सरोकारवालालाई आग्रह गरेको छ।विभागले शुक्रबार जारी गरेको प्रेस विज्ञप्तिअनुसार मध्यपूर्वमा देखिएको संकटका कारण बढेको इन्धनको मूल्य अहिले सामान्य अवस्थामा फर्किएकाले मूल्य पनि समायोजन गर्न विभागले आग्रह गरेको हो।नेपाल आयल निगमले २०८३ असार १६ गतेदेखि लागू हुने गरी इन्धनको मूल्य घटाएको छ।