दुई कारोबार दिनपछि सेयर बजार फेरि घट्यो, ४ अर्ब ४१ करोडको कारोबार

काठमाडौं : दुई कारोबार दिनपछि शुक्रबार सेयर बजारमा फेरि गिरावट आएको छ। यसदिन नेप्से परिसूचक ८.३० अंकले घटेर २६५३.४० विन्दुमा अडिएको छ। यसअघि बुधबार र बिहीबार दुई कारोबार दिन नेप्से परिसूचक वृद्धि भएको थियो। बुधबार ४४.५९ अंक र बिहीबार८.७८ अंकले वृद्धि भएको थियो। नेप्से घटेपनि कारोबार रकम भने बिहीबारको तुलनामा वृद्धि भएको छ। बिहीबार ४ अर्ब ११ करोड रुपैयाँ बराबरको सेयर कारोबार भएकोमा यसदिन ४ अर्ब ४१ करोड मूल्य बराबरको कारोबार भयो।