दलित आन्दोलन र शक्तिको प्रश्न

दलित समुदाय आज केवल ऐतिहासिक उत्पीडनको प्रतीकमात्र होइन; सामाजिक रूपान्तरणको सम्भावना बोकेको एउटा महत्वपूर्ण शक्ति र हिस्सेदार समुदाय पनि हो। यस समुदायसँग विशाल जनसंख्या, श्रम र सीपको सभ्यता, कठोर श्रमको क्षमता, धातुकर्मदेखि हतियार निर्माणसम्मको ऐतिहासिक प्राविधिक ज्ञान, प्रतिरोधको नैतिक वैधता तथा नेपालको शक्ति–सन्तुलनलाई पुनर्संरचना गर्न सक्ने जनमतको सम्भावना विद्यमान छ।