बंगालमा सांसद महुआ मोइत्राको कार्यालयमा अण्डा प्रहार, भिडियो भाइरल

बंगाल : पश्चिम बंगालमा तृणमूल कांग्रेस (टीएमसी) को पराजयपछि ममता बनर्जी पक्षका नेताहरूको समस्या कम हुने संकेत देखिएको छैन । हारपछि विभिन्न टीएमसी नेतामाथि अण्डा प्रहारका घटनाहरू भइरहेका छन्, जसको विषय अदालतसम्म पुगेको छ । यसैक्रममा बुधबार टीएमसी सांसद महुआ मोइत्राको बंगालस्थित कार्यालयमा अण्डा प्रहार गरिएको छ । घटनाका बेला महुआ कार्यालयभित्रै थिइन् । उनले यस आक्रमणको पछाडि भारतीय जनता पार्टी (भाजपा) को हात रहेको आरोप लगाएकी छन् ।