मुग्लिन पुलको लठ्ठामा चढेर हिंड्ने युवाको प्रहरीद्वारा उद्धार

गोरखा : मुग्लिन पुलको लठ्ठामाथि हिड्ने एक जना युवाको प्रहरीले उद्धार गरेको छ । राजपुर–१ दाङ घर भई मुग्लिन बजारमा ज्याला मजदुरी गरेर बस्ने ३२ बर्षका दीपक घर्ती मगरलाई पुलको लठ्ठामाथिबाट उद्धार गरिएको इलाका प्रहरी कार्यालय आँबुखैरेनीले जानकारी दिएको छ । प्रहरीका अनुसार उनी बुधबार बिहान ११ः१५ बजे मुग्लिनस्थित त्रिशुली नदीमाथिको पुरानो पुलको लठ्ठामा चढेका थिए । स्थानीयको सूचना पाउने वित्तिकै घटनास्थलमा पुगेको प्रहरीले ११ः४५ बजे उनलाई पुलबाट उद्धार गरेको थियो ।