विद्यालयमै उद्यमको अभ्यास, विद्यार्थीले बनाए विद्युतीय सामग्री

धादिङ : विद्यालयमा घण्टी बज्छ, विद्यार्थी कक्षाकोठामा प्रवेश गर्छन् र पाठ्यपुस्तकका अध्याय पढ्छन्। सामान्यतया विद्यालयको चित्र यही हो। तर धादिङको धुनिवेशी नगरपालिका स्थित त्रिकुटेश्वरी माध्यमिक विद्यालयमा भने विद्यार्थीहरू किताबसँगै तार, स्विच, बल्ब र विद्युतीय उपकरणसँग पनि व्यस्त देखिन्छन्। उनीहरू केवल पढिरहेका छैनन्, सिकिरहेका छन्, उत्पादन गरिरहेका छन् र उद्यमशीलताको अभ्याससमेत गरिरहेका छन्।