रास्वपाको घोषणा: ५ वर्षभित्र १०० अर्ब डलरको अर्थतन्त्र, विदेशमा भएकालाई अनलाईन भोट

राष्ट्रिय स्वतन्त्र पार्टीले नागरिक करारपत्र सार्वजनिक गरेको छ । पार्टीले करारपत्रमा बहुलवादी संघीय लोकतान्त्रिक गणतन्त्र, सामाजिक न्याय सहितको उदार अर्थनीति, सुधारिएको प्रदेश संरचना, समन्यायात्मक समावेशीता, सनातन सभ्यताको सम्मान, धार्मिक-सांस्कृतिक विविधताको संरक्षण, सन्तुलित परराष्ट्र सम्बन्ध, डायस्पोराको सामर्थ्य र “सौम्य शक्ति” को विस्तार गरी सार्वभौमिकता, स्वाधीनता, भौगोलिक अखण्डता र स्वाभिमानलाई अक्षुण्ण राख्ने जनाएको छ।