योगेश भट्टराई सिमरा पुगे, पार्टी कार्यक्रमहरूमा सक्रिय

नेकपा (एमाले) का उपमहासचिव योगेश भट्टराई शुक्रबार बारा जिल्लाको सिमरा पुगेका छन्। सिमरा आगमनपछि उनले स्थानीय नेता तथा कार्यकर्तासँग भेटघाट गर्दै पार्टीका कार्यक्रमहरूमा सहभागिता जनाएका छन्। आगामी निर्वाचनलाई लक्षित गर्दै मधेस प्रदेश केन्द्रित कार्यक्रमसहित भट्टराई सिमरा पुगेका हुन्। शुक्रबार र शनिबार उनले पार्टीका विभिन्न कार्यक्रममा सहभागिता जनाएका थिए।