बूढीगण्डकीमा ठूलो बाढी, नदी किनारका बासिन्दाको बिहानै भागाभाग

गोरखा : बूढीगण्डकीमा आइतबार बिहानै ठूलो बाढी आएको छ । नदीमा बाढी आएपछि किनार आसपासका बासिन्दा घर छाडेर भागेका छन् ।बूढीगण्डकीको स्यारखोला तर्फबाट बाढी आएको चुमनुब्री गाउँपालिकाकी पूर्व उपाध्यक्ष कुमारी गुरुङले जानकारी दिइन् । नदी थुनिने र खुल्ने भइरहेको छ । यो समाचार तयार पर्दासम्म फेरि नदी थुनिइरहेको चुमनुब्री ३ जगतका गणेश कार्कीले जानकारी दिए ।