जबरजस्ती करणी गरेको आरोपमा एक जना पक्राउ

काठमाडौँ । १९ वर्षीय महिलालाई जबरजस्ती करणी गरेको अभियोगमा काठमाडौँ महानगरपालिका- ३१ शंखमुल बस्ने भारत बिहार राज्य मोतिहारी घर भएका ३० वर्षीय धर्मेन्द्र जैसवाललाई शनिबार राति प्रहरीले पक्राउ गरेको छ ।

जैसवालले ती महिलालाई काठमाडौँ महानगरपालिका-१० नयाँ बानेश्‍वरस्थित सस्तो बजारमा जबरजस्ती करणी गरेको भन्ने उजुरीको आधारमा प्रहरी वृत्त नयाँ बानेश्‍वरबाट खटिएको प्रहरीले उनलाई पक्राउ गरेको हो ।

यस सम्बन्धमा प्रहरीले थप अनुसन्धान गरिरहेको जनाएको छ ।