विश्वप्रकाश शर्माले भने, ‘डायस्पोराको नेपाली धन र मनलाई नेपाल निर्माणमा जोड्नुपर्छ’

काठमाण्डु- नेपाली कांग्रेसका उपसभापति विश्वप्रकाश शर्माले विदेशमा रहेका नेपालीको धन, सीप र भावनालाई नेपाल निर्माणमा जोड्न सरकार, निजी क्षेत्र र डायस्पोराबीच सहकार्यको नयाँ लगानी मोडेल बनाउनुपर्ने बताएका छन्। नेपाली कांग्रेसको १५औँ महाधिवेशन उद्घाटन समारोहमा आइतबार मन्तव्य दिँदै शर्माले विदेशको नेपाली समुदायलाई नेपालको विकाससँग जोडेर समृद्धिको नयाँ मोडेल अघि बढाउनुपर्ने बताए।