महाधिवेशनको मञ्चबाट विश्वप्रकाश- यो यात्राको सुरुवात हो, बलियो कांग्रेससहित अघि बढ्छौँ

काठमाण्डु- नेपाली कांग्रेसका उपसभापति विश्वप्रकाश शर्माले १५औँ महाधिवेशन पार्टीको नयाँ यात्राको सुरुवात भएको बताएका छन्। महाधिवेशनपछि कांग्रेस थप बलियो, ऊर्जाशील र नयाँ पुस्ताको भावनालाई समेटेर अघि बढ्ने उनले दाबी गरे। महाधिवेशन उद्घाटन समारोहलाई सम्बोधन गर्दै शर्माले ८० वर्षको इतिहास बोकेको कांग्रेसले लोकतान्त्रिक आन्दोलनदेखि मुलुकका विभिन्न संकटमा महत्वपूर्ण भूमिका निर्वाह गरेको बताए।