बालुवाटारस्थित आफ्नै भवनमा सर्‍यो गरिमा विकास बैंकको केन्द्रीय कार्यालय

काठमाडौं । गरिमा विकास बैंकको केन्द्रीय कार्यालय काठमाडौंको लाजिम्पाटबाट बालुवाटारस्थित नवनिर्मित आफ्नै भवनमा सरेको छ । यसअघि बैंकको केन्द्रीय कार्यालय काठमाडौं महानगरपालिका वडा नं २ स्थित लाजिम्पाटमा रहेको थियो । आजबाट काठमाडौं महानगरपालिका–३ स्थित बालुवाटारमा नवनिर्मित आफ्नै केन्द्रीय कार्यालयबाट काम सुरु गरेको हो ।