मन्त्रिपरिषद्को निर्णय पुनरावलोकन गर्न प्रधानमन्त्रीसमक्ष एनसेलको आग्रह

काठमाण्डु – एनसेलले विगतका सरकारले अन्याय गरेको भन्दै निर्णय सच्याउन आग्रह गरेको छ । एनसेलले प्रधानमन्त्री तथा मन्त्रिपरिषद्को कार्यालयलाई पत्र लेख्दै स्वामित्व हस्तान्तरण, मन्त्रिपरिषद्को निर्णय तथा दूरसञ्चार नियमावलीसंग सम्बन्धित विषय पुनरावलोकन गर्न आग्रह गरेको छ । यसअघि एनसेलले सुशीला कार्की नेतृत्वको सरकार हुंदा समेत पुनरवलोकन गर्न आग्रह गरेको थियो ।