नयाँ क्रियाशील सदस्यता वितरणका लागि कांग्रेसले ७७ जिल्लामा खटायो प्रतिनिधि

नेपाली कांग्रेसले नयाँ क्रियाशील सदस्यता वितरणलाई व्यवस्थित, प्रभावकारी र पारदर्शी बनाउन ७७ वटै जिल्लामा केन्द्रीय प्रतिनिधि खटाएको छ। पार्टीका कार्यवाहक मुख्यसचिव कृष्णप्रसाद दुलालका अनुसार महामन्त्री प्रदीप पौडेलको संयोजकत्वमा रहेको सदस्यता व्यवस्थापन समितिको सिफारिस तथा केन्द्रीय समितिको निर्णयअनुसार प्रतिनिधिहरूलाई जिल्लामा पठाइएको हो। कांग्रेसले हालै नयाँ क्रियाशील सदस्यताका लागि आवेदन खुला गरेको छ।