युद्धविराम उल्लंघन गर्दै लेबनानमा इजरायली आक्रमण: ३२ जनाको मृत्यु, अमेरिका-इरान वार्ता संकटमा

 काठमाडौं : लेबनानमा युद्धविराम लागू भए तापनि इजरायली सेनाको तर्फबाट भएका घातक हवाई तथा ड्रोन आक्रमणहरूमा कम्तीमा ३२ जनाको मृत्यु भएको छ। यस हिंसात्मक गतिविधिको कारण अमेरिका र इरानबीच स्थायी शान्ति स्थापनाका लागि स्विट्जरल्यान्डमा हुन लागेको महत्वपूर्ण वार्ता नै संकटमा पर्ने संकेत देखिएको छ।गएकाे हप्ता हस्ताक्षर गरिएको समझदारी पत्रलाई थप मजबुत बनाउन आइतबार स्विट्जरल्यान्डको बर्गेनस्टकमा अमेरिका र इरानबीच अर्को चरणको वार्ता हुँदैछ।