ग्रेट वाल मोटरले सार्वजनिक गर्यो ३५ वर्षको उपलब्धीहरू

जीडब्लुएम अर्थात ग्रेट वाल मोटरले आफ्नो स्थापनाको ३५औं वर्षगाँठको अवसरमा कम्पनीको अन्तर्राष्ट्रियकरण यात्राका ऐतिहासिक उपलब्धिहरू सार्वजनिक गरेको छ। एउटा सानो स्वदेशी अटोमोबाइल निर्माता कम्पनीबाट सुरु भएर आज जीडब्लुएम विश्वका १७० भन्दा बढी देशहरूमा आफ्नो उपस्थिति स्थापित गरिसकेको छ। मध्यपूर्वमा पहिलो ढुवानीदेखि सुरु भएको यो यात्रा क्रमशः युरोप, अष्ट्रेलिया, दक्षिण अफ्रिका, युरेसिया हुँदै थाइल्यान्ड, जर्मनी, ब्राजिल र मेक्सिकोसम्म फैलिएको छ।