अमेरिका-इरान वार्ता जोगाउन इजरायल र हिजबुल्लाहबीच युद्धविराम नवीकरण

काठमाडौं : लेबनानमा चर्किएको भीषण सैन्य भिडन्तका कारण संकटमा परेको अमेरिका-इरान शान्ति वार्तालाई बचाउन इजरायल र हिजबुल्लाह युद्धविराम नवीकरण गर्न सहमत भएका छन्। दुवै पक्षले युद्धविरामको पालना गर्ने प्रतिबद्धता जनाए पनि एकअर्कालाई उल्लंघन नगर्न चेतावनी समेत दिएका छन्।लेबनानी अधिकारीहरूका अनुसार युद्धविराम नवीकरण हुनुअघि शुक्रबार भएको इजरायली हवाई आक्रमण चालू द्वन्द्वकै दोस्रो सबैभन्दा घातक र विनाशकारी रहेको थियो।