स्वामी अवधेशानन्द गिरिको नेपाल यात्रा सभ्यतागत संवादको अवसर

‘सही ज्ञान सूचना मात्र होइन, रूपान्तरण हो।’ यो विचार हिन्दू धर्मको सबैभन्दा ठूलो सन्यासी परम्परामध्ये एक-जूना अखाडाका आचार्य महामण्डलेश्वर स्वामी अवधेशानन्द गिरिजी महाराजको हो। यो वाक्यले उनको सम्पूर्ण आध्यात्मिक दृष्टिकोणलाई संक्षेपमा व्यक्त गर्छ। उनका लागि ज्ञान पुस्तकमा सीमित सूचना होइन, व्यक्तित्व, समाज र सभ्यतालाई रूपान्तरण गर्ने चेतना हो।