मस्कोको मुख्य तेल रिफाइनरीमा युक्रेनको शक्तिशाली ड्रोन आक्रमण

मस्को : युक्रेनले बिहीबार बिहान रुसको राजधानी मस्कोस्थित एक प्रमुख तेल रिफाइनरीलाई निशाना बनाउँदै पुनः शक्तिशाली ड्रोन आक्रमण गरेको छ। रुसी अधिकारीहरूका अनुसार युक्रेनले एकै हप्ताभित्र सो रिफाइनरीमा आक्रमण गरेको यो दोस्रो पटक हो। पछिल्लो समय युक्रेनले रुसका ऊर्जा पूर्वाधारहरूलाई लक्षित गरी लामो दुरीको हवाई आक्रमण तीव्र पारेको छ।मस्कोका मेयर सर्गेई सोब्यानिनका अनुसार मस्कोको दक्षिण-पूर्वी जिल्ला कापोत्न्यामा रहेको 'मस्को आयल रिफाइनरी' मा कयौँ ड्रोनहरू ठोक्किएका थिए।