५ वर्षपछि नयाँ ५ सयका नोट

काठमाडौं : नेपाल राष्ट्र बैंकले पाँच सय रुपैयाँ दरको नयाँ नोट सार्वजनिक गरेको छ। असार ३ गतेदेखि लागु हुने १० लाख थान नयाँ पाँच सयका नोट चलनचल्तीमा ल्याएको हो। राष्ट्र बैंकले करिब पाँच वर्षपछि नयाँ पाँच सयका नोट ल्याएको छ। मुद्रा व्यवस्थापन विभागद्वारा जारी सूचना अनुसार यो नोट साविककै आकार तथा रंगमा उपलब्ध छ। यो नयाँ नोटको संकेत नम्बर झ/३८ ०००००१ देखि ट/८३ ९९९९९९ सम्म रहेको छ।